Ímyndir, sköpun og list.

Gleðilegan dag!

Við heimsókn mína til höfuðborgarinnar bar margt fyrir augu og eyru sem gladdi og metti hug og sál!  Þó var ferðin suður ekki alveg jafn tíðindalaus og ég hef þurft að venjast, afskiftafræðingar frá Borgarnes umdæmi sá sér fært að sæma bílinn minn sem hraðaksturstæki. Ég hef sagt öllum og segi en að þessi bíll er það alls ekki ,en þarna var einn af þessum "góðu dögum" eins og hjá handboltalandsliðinu, mældist á 110. Vill svo skemmtilega til fyrir allsgáðann og vitiborinn stjórnanda bílsins að ný gjaldskrá á sektum hefur verið tekinn í gildi og var því gæfan með mér.

Eitt af því "merkilega" sem var í samtali mínu og afskiftafræðinganna ,eftir að í ljós kom að ég væri við nám að Hólum, voru athugasemdir þeirra um biskup hólastaðar og hvernig búsetu hanns væri háttað. "Býr hann á staðnum? Hver á húsið? Hvað heitir hann?" Augnablik hugsaði ég "æ þetta er bara svona millibilsástand í skynjun, næsta sem þeir gera er að fara tala um astraltertugubb,,. Nei svo var ekki ,þetta voru svona alvöru spurningar ég snéri þessu náttúrlega í léttara hjal. Fullvissaði þá um að húsið væri í eigu ríkisins og þetta væri tryggur þjónn ríkis og kirkju sem rækti starf sitt af alúð og ánægju. Endaði svo samtalið með að vegsama búninga stofnun afskiftafræðinganna og hve athugulir þeir væru í starfi. (semsagt sssssssssmmmmmmmmmmjjjjjjjjaaaaaaaaððððððuuuuuuuurr), hætti reyndar þegar mér sjálfum var orðið hálf illt af ´væmni og leikrænum fléttum. Fór svo að þegja ,mundi skyndilega að hraðamælisbarkinn er slitinn og var því ekki nokkurri aðstöðu til að rengja mælitækinn, bauðst til þess að kvitta auðmjúkur. Sleppt. En verð víst fátækur af 15. þus ríkisdölum.

Kominn í höfuðstaðinn; við tók eftirvænting að hitta erfingja mína, einnig að takast á við hina marg auglýstu vetrarhátíð. Já og kíkja á eina fasteign, sem stóð svo ekki undir væntingum. Laugardagurinn skall á og svo kom kveldið ekki var laust við að hjartað væri fullt af eftirvæntingu......djöfull er þetta nú væmið,,,,jæja áfram. Semsagt haldið var til kartöflugeymsla við Ártúnshollt þar sem Borgin er að koma upp fjölnota byggingu, kynntar voru hugmyndir þar á veggjum og einnig voru í boði listviðburðir, þarna sá ég tækifæri að svala áhuga mínum á byggingum og "list"hins vegar. Byggingin er á margan hátt velheppnuð og skemmtilega útfærð, braggalag er látið halda sér að innann og nýr veggur að framan hefur verið steyptur sem andlit hússins. Einnig hefur verið byggður salur fyrir neðan og er þak hanns sem bílastæði. Með mér í för var Árni vinur minn, mikill lífkúnstner og byggingarmeistari, þar sem hann er einn besti trommari sem ég hef spilað með og áhugi minn á slagverki er mikill vorum við svo sniðugir að fara sjá Steintrygg spila. Þvílikt snilldar kombó vorum við vinirnir í trans allann tímann, skemmtilegir effektar og geggjað samspil slagverks og besta trommuleiks sem landið hefur á að skipa. Gaman var líka að allir voru þarna í úlpum því engin kynding var í þessum sal hússins, vildi Sigtryggur helst að bærinn skaffaði ákavíti til að hita mannskapinn en engin fulltrúi fannst þaðan,(þarna hefði nú kirkjan getað komið og gefið af blóði krists). Á undan spiluðu reyndar spunatríóið Flís, ahhh sjaldan er flís til fagnaðar. Slappir þetta voru svona týpur, útlitið á hreinu, hárið 5 daga drullugt og gallabuxurnar rifnar og skítugar, skeggjaðir, æ bara svona ímynd og útlit en engin sköpun, ekki mín deild. Þetta reyndar vakti athygli mína á gestum þessara viðburða, þar voru áberandi sem ég kalla lista "wannabees" mikil ímynd og útlit, svona þæfðar ullarkápur í skærum litum, skrítinn gleraugu, uppgerðar svipur(arti farti).  Hafði nokk gaman að sjá hve hvað skilur hafrana frá sauðunum, listamennirnir voru þarna bara svona pínu venjulegir lausir við allan fígúrugang og skiluðu sínu, minnti svona pínu á munin á afskiptafræðingum og securitas, báðir í svörtum búningum nema hinir eru bara ekta.´Í nýbyggingunni fyrir neðan var svo sýning á gömlum svart hvítum þöglum kvikmyndum sem varpað var á vatnstjald ,flott uppsetning þar sem þögn myndanna rann vel við vatnshljóðið. Semsagt flott sjóv.

Þaðan var svo haldið niður í Hafnarhúsið að sjá klappstýruflamengodansarana geggjaðar og svo pósuðu þessar elskur í lokinn með börnunum sínum fyrir gesti til að taka myndir, bara flottar.  Síðan tók við franska rokkhljómsveitin Dionysos og tryllti mannskapinn, þar fóru saman hress lög og kjaftforar meiningar. Söngvarinn var óþreytandi við að sýna hreyfigetu sína og kenna íslendingum vel valin orð á frönsku. Þetta var nú bara hreint frábært!

Jæja er orðin þreyttur

 

Athugasemdir

[Jón Þór Bjarnason, 28.2.2007 kl. 08:29]

Þú ert alveg klikkaður klappstýruflamengobloggari, til lukku með framtakið (og líka með framtalið, þótt ekki sé alveg komið að því enn... má ekki setja 15þús kallinn sem kostnað í bókhaldi?). Eiga menn ekki annars bara að vera stoltir yfir svona ofsahraðastaðfestingu... er ekki ráð að halda nótunni til haga, þú gætir fengið betra verð fyrir bílinn síðar með því að framvísa henni ;)    ... það er einhver morgungalsi í mér, enn og aftur: Til hamingju :)

[Nancy (IP-tala skráð) 28.2.2007 kl. 08:55]

Hæ Valli, til hamingju með bloggið ...og takk fyrir síðast þó það er nú laaaangt síðan :) Hér í þessum bæ sem ég býr í þar þarf maður ekki að þassa sig að keyra ekki of hratt því flestir eru að hjóla og þar er hættan ekki of stór til að ná hámarkshraðan...en: löggan fylgist með hvort maður er með ljós á hjólinu og að maður keyrir ekki á gangstettinu... lalala    Er búin að vera heppin hingað til og hefur af og til einhver hringt í mig til að vara mig við. Hvers vegna gekk það ekki upp hjá þér ? Au revoir , Nancy

[Þórður Ingi Bjarnason, 28.2.2007 kl. 14:34]

Það er gott að vita að þeir í Bogarnesi mínum gamla heimabæ passi hraðan í gegnum bæinn.  En mér finnst þetta vera viðurkenning fyrir Hilux að komast þó þetta hatt, hann hefur ekki verið þekktur fyrir marga hesta undir húsinu.

[Valgeir Ægir Ingólfsson, 28.2.2007 kl. 21:06]

Takk Jón, Nancy gaman að vita af þér, Þórður gaman að þið kommentið a þetta.

KV Maðurinn og dyrðin